“MCS”-ээр “АСЕМ Вилла”-г бариулах хөрөнгийг ямар хурдан шийдэж өгөв өө

8-р сарын 24 - 13 цаг 34 минут

Ч.Сайханбилэгийн Засгийн газрын зарим шийдвэрийг харахаар “Алтангадас” фракцид төдийгүй, MCS-т хэрхэн үйлчилж, асуудлыг онцгой хурдан шийдэж өгч байгаа нь Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль хаана хэрэгжиж байна вэ хэмээн хашгирмаар санагдуулах аж.

Засгийн газар өнгөрсөн долоо хоногт хуралдаж  АСЕМ-ийн дээд хэмжээний уулзалтыг угтан “АСЕМ Вилла” цогцолбор хотхоны төслийг хэрэгжүүлэхэд олгох хөнгөлөлттэй зээлийг Монгол Улсын Хөгжлийн банкны эх үүсвэрээр санхүүжүүлэхээр болжээ. Уг санхүүжилтийг төслийн орлогоос эргэн төлөгдөх нөхцөлтэйгээр Монголын арилжааны банкуудаар дамжуулах бөгөөд гэрээ байгуулахыг хөгжлийн банкны ТУЗ-д зөвшөөрчээ. Зөвхөн АСЕМ-ийн дээд хэмжээний уулзалтын зочдыг байрлуулах дэлхийн сүлжээ зочид буудал барихад зориулж 150 тэрбум төгрөгийн зээл олгохоор Засгийн газрын 2015 оны зургадугаар сарын 2-ны хуралдаанаар шийдвэрлэсэн. Энэ үеэр “Дэлхийн зочид будлын сүлжээний дөрвөн буудлыг нээх саналаа аж ахуйн нэгжүүд ирүүлсэн” хэмээн мэдээлж байв. Харин одоогоор алдарт тендерийн мангас “MCS”-т дээрх 150 тэрбум төгрөгийн хөнгөлөлттэй зээлийн 120 тэрбумыг нь зориулж үлдсэн 30 тэрбумыг 100 зочид буудал хувааж авахаар болж байна.

Шийдвэр гаргасан Засгийн газрын тэргүүн Ч.Сайханбилэг, ЗГХЭГ-ын дарга С.Баярцогт, анх АСЕМ-ыг Монголд зохион байгуулах сайхан санаачилгыг гаргасан Ерөнхийлөгч Ц.Элбэгдорж гээд “MCS”-ыг дэмжигчдийн хүчээр “Шангри Ла”-г барьсан арвин туршлагатай үндэсний компаниараа дэлхийн сүлжээ буудал бариулж авах “зөв” шийдвэрийг Засгийн газраас үүрэг гүйцэтгэгч гишүүдтэй үед төрсөн нь “Юунд яараа вэ” гэмээр.

Үүрэг гүйцэтгэгч гишүүдтэй Засгийн газрын үед Төрийн өмчийг  хувьчлах, өөрчлөн байгуулах тухай тогтоол гаргах, Төрийн өмчийн концессийн зүйлийн жагсаалтад өөрчлөлт оруулах, Монгол Улс Азийн дэд бүтцийн хөрөнгө оруулалтын банк үүсгэн байгуулах хэлэлцээрийг соёрхон батлах тухай хуулийн төслийг УИХ-д өргөн мэдүүлэхээр тогтох энэ бүхэн гэрлийн хурдаар “амжуулагдлаа”. Азийн дэд бүтцийн хөрөнгө оруулалтын тухайд л гэхэд банкны дүрмийн санг 100 тэрбум ам.доллар байхаар тооцсоны дагуу үүсгэн байгуулагч гишүүн орон тус бүр хувь нийлүүлнэ. Монгол Улсын хувь нийлүүлэх нийт хөрөнгө 41 сая ам.доллар нь 0.3013 хувийн саналын эрхтэй бөгөөд үүнээс хувь нийлүүлэх 20 хувийг 5 жилийн хугацаанд 5 хуваан шилжүүлэх юм байна. Энэ бол эдийн засгийн аюулгүй байдлын үүднээс үүрэг гүйцэтгэгчдээр “орон тоо цомхтгосон” Засгийн газрын шийдэх асуудал биш. УИХ соёрхоод зогсохгүй Үндэсний аюулгүй байдлын зөвлөл хэлэлцэх стратегийн ач холбогдолтой шийдэл баймаарсан.

Өмч хувьчлалын тухайд ч бараг хэнийх болох нь нүдэнд буугаад байгаа юм. Ямар хэмжээний хөрөнгө оруулалт хийгээд 100 хувиар хувьчлаад авчих гэж байна вэ гэдэг талаас нь харахад дуугүй суух аргагүй.

Цаашилбал, одоо томилогдохоор гацаад байгаа зургаан суудлын эзэн хэн байхаас өмнө амжиж дээрх шийдвэрүүдийг гаргав уу. Тэр зургаан сайдаас АСЕМ-тай хамгийн их хамааралтай нь одоо гацааны эзэн болоод байгаа Зам тээврийн салбар. Тэгэхээр Зам тээврийн сайд нь АСЕМ-д зориулж асгаад байгаа мөнгөнөөс ашиг сонирхлын хувьд холуур байх, дээд хэмжээний чуулга уулзалтыг амжилттай зохион байгуулах ажлын туршлагатай хүн байх хэрэгтэй. Мөн эдийн засгийн хүндрэлтэй энэ цаг үед ийм их хэмжээний мөнгийг эргэн төлөх нөхцөлтэйгээр зарцуулж байгаагийн хувьд, шилэн дансны зарчмаар ажиллаж хүүтэй нэг цент ч дутаалгүй олон нийтэд мэдээлдэг байх ёстой.

Ямартай ч АСЕМ-д зориулсан хөрөнгийн эхний зарцуулалт “АСЕМ Вилла” цогцолбор хотхоны төслийг хэрэгжүүлэхэд зориулагдаж байна. Ингэхдээ олон нийтэд MCS-т өгсөн мэтээр харагдаж, цогцолборын газар, хөрөнгө хоёрын асуудлыг хэрхэн хурдтай шийдвэрлэж байгааг хардан Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль хаана хэрэгжиж байна вэ гэдгийг асуухад хүргэлээ. Хэрэв MCS дээрх цогцолборыг барих эрхийг олж авсан шигээ, “амжилттай, хурдтай” ажиллаж, төрд нөлөөлж АСЕМ-ыг нэг компани л зохион байгуулчих юм бол олимп зохион байгуулахын дайтай энэ том арга хэмжээнд шаардагдах бусад бэлтгэл ажил, бараа бүтээгдэхүүн хүртэл “MSC”-ээс л нийлүүлэгдэж таарах нь. “Үндэсний компаниудаас хамгийн нэр хүндтэй, том компанийн хувьд төрийн их ачааг үүрэлцэж байна” гэж гавьяаг нь үнэлэхийн өмнө эргэн төлөгдөх нөхцөлтэй, хүүтэй энэ зээл, мөн нэмж төсөвт тусгаж өгсөн таван тэрбум төгрөг тэргүүтний зарцуулалтад яаж хяналт тавих нь сонин байна.

Эх сурвалж: Baabar.mn

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд huvsgul.MN хариуцлага хүлээхгүй.

( 107 сэтгэгдэл )Сэтгэгдэл бичих хэсэг 

Шинэ мэдээ

“Талх чихэр” ХК “Милл хаус”ХХК-ийн нэрийн барааны цэг Булган аймагт нээлтээ хийнэ6 сар 17. 10:16БАРИМТ: С.Амарсайханы төрсөн ах С.Ганбат Зайсан, Богд уул орчмын 214 айлын газрыг ДАНГААРАА ЭЗЭМШЖЭЭ6 сар 17. 10:14Хүүхдээ яаж “сайн хүн” болгох вэ6 сар 14. 13:01Мөрөн сумын 210 жилийн ой, Хангайн бүсийн даншиг ирэх сарын 27-29-нд болно6 сар 14. 12:56Могойн голоос хулгайгаар нүүрс тээвэрлэсэн эсэхийг шалгаж тогтооно6 сар 14. 12:54"Цонжин болдог"-оос илүү жуулчдыг татах Ногоон нуур6 сар 14. 11:59Монгол. Улсад шинэ үеийн барилгын салбар үүсч хөгжсөний түүхт 92 жилийн ой, "Барилгачдын өдөр 2018" өдөрлөг 9 сарын 7-нд 10:00 цагаас Барилгачдын талбайд болно2018, 9 сар 6. 8:59Худалдаа Хөгжлийн Банкны шөнийн цагаар хийсэн, хууль бус ажиллагаанд 70 орчим залуус, бөхчүүд оролцжээ2018, 7 сар 25. 19:09Монгол Улсын зээлжих зэрэглэлийг дээшлүүлэв2018, 7 сар 17. 19:37В.Путин, Д.Трамп нар ямар тохиролцоонд хүрэв?2018, 7 сар 17. 19:32Монголын кино урлаг хүрээгээ тэлсээр...2018, 7 сар 17. 19:27Оюу толгой ХХК-ийн уурхайчдад илгээх МЭНДЧИЛГЭЭ2018, 7 сар 9. 15:35“Нийтийн тээврээр соёлтой үйлчлүүлцгээе” сошиал аяны ялагчид тодорч, шагналаа гардаж авлаа2018, 7 сар 5. 13:31Шанхайн олон улсын кино наадамд Монгол кино шилдгийн шилдгээр шалгарчээ2018, 7 сар 5. 12:53Үндэсний их баяр наадмын хөтөлбөр2018, 7 сар 2. 18:05Ардын урлагийн их наадмын шилдгүүд тодорлоо2018, 7 сар 2. 18:02МҮИС-ийн 20 жилийн ойн ОНЦГОЙ БЭЛЭГ задарлаа2018, 7 сар 2. 17:23-ШИНЭ НАЧИН ГЭХЭЭСЭЭ ИЛҮҮ НААДМЫН ТҮРҮҮ, ҮЗҮҮР ЯРЬДАГ “УВС НУУР” ГАЛЫНХАН-2018, 7 сар 2. 8:57Хориглосон бүсэд байсан малыг нүүлгэн шилжүүллээ2018, 6 сар 29. 11:28АСБЕСТ АГУУЛСАН БҮТЭЭГДЭХҮҮН ХЭРЭГЛЭСНЭЭР ХОРТ ХАВДАРТАЙ БОЛОХ ЭРСДЭЛТЭЙ2018, 6 сар 29. 11:13

Бүх эрх хуулиар хамгаалагдсан © CaakNews.MN 2015 - 2019.