В.Путин, Д.Трамп нар ямар тохиролцоонд хүрэв?

7-р сарын 17 - 19 цаг 32 минут
АНУ-ын Ерөнхийлөгч Дональд Трамптай хийсэн яриа хэлэлцээгээ тун амжилтай, ашиг тустай хийгээд нээлттэй, ажил хэрэгч байдалд болж өнгөрлөө хэмээн ОХУ-ын Ерөнхийлөгч Владимир Путин Хельсинки хотод болсон дээд хэмжээний уулзалтын дараах хэвлэлийн бага хурал дээр хэлжээ. Түүнчлэн тэрбээр цөмийн зэвсгийг үл дэлгэрүүлэх талаархи санал бүхий бичгийг Д.Трампт дамжуулан өгснөө дурдсан байна.
В.Путин, Д.Трамп нарын анхны бие даасан, бүрэн хэмжээний уулзалт өчигдөр Финландын Хельсинки хотод болсон билээ. Хоёр улсын удирдагчдын хийсэн ганцаарчилсан уулзалтын дараах өргөтгөсөн бүрэлдэхүүнтэй уулзалтад ОХУ-ын гадаад хэргийн сайд Сергей Лавров, ерөнхийлөгчийн хэвлэлийн албаны дарга Дмитрий Песков, төрийн тэргүүний туслах Юрий Ушаков, АНУ-аас ОХУ-д суугаа элчин сайд Жон Хантсман, АНУ-ын Төрийн нарийн бичгийн дарга Майкл Помпео, АНУ-ын Ерөнхийлөгчийн үндэсний аюулгүй байдлын зөвлөх Жон Болтон, ерөнхийлөгчийн туслах Фиона Хилл нар оролцсон байна.
“Болж өнгөрсөн яриа хэлэлцээнүүд нь ерөнхийлөгч Д.Трамптай хамтран хоёр улсын харилцаан дахь сөрөг нөхцөл байдлыг залруулж, харилцааг хэвийн болгох эхний алхмуудыг төлөвлөх, харилцан итгэлцлийн түвшинг сэргээх хүслийг харуулж байна” хэмээн В.Путин уулзалтын дүнд мэдэгдсэн байна.
Түүнчлэн тэрбээр Хөлбөмбөгийн ДАШТ-ний үеэр хоёр улсын тусгай албаны ажилтнууд харилцаа холбоотой ажиллаж байсан талаар дурдахын сацуу хоёр улсын бизнес эрхлэгчдийг оролцуулсан ажлын хэсэг байгуулах талаар тохиролцоонд хүрэх, Сирийн асуудлыг зохицуулахад хамтран ажиллахад шаарлагатай бүхий л хэсэг талуудад бий болохыг цохон тэмэглэсэн байна.
Харин Д.Трамп мэдэгдэхдээ “Дипломат арга зам, хамтын ажиллагаа, үр дүнтэй яриа хэлэлцээ хийхийг сөргөлдөөн, дайсагнасан харилцаанаас илүүд үзэж байгаа нь АНУ болон ОХУ-д төдийгүй дэлхий дахинд ээлтэй” гэжээ. Тэрбээр мөн “Умард Солонгосыг цөмийн зэвсгээс ангижруулахад Орос улс АНУ-тай хамтран ажиллана” гэж мэдэгдсэн байна.
Түүнчлэн энэ хэвлэлийн бага хурлын үеэр В.Путин АНУ-ын төрийн тэргүүнд “ДАШТ-2018”-ын албан ёсны бөмбөгийг бэлэглэж, “ДАШТ-2026”-г амжилттай зохион байгуулахыг хүсчээ. Д.Трамп В.Путинд талархал илэрхийлж,  бөмбөгийг бага хүү Бэррондоо дамжуулан өгнө гэж хэлсэн байна
 
 
Э.Аянзаяа 
Эх сурвалж: Монцамэ агентлаг
АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд huvsgul.MN хариуцлага хүлээхгүй.

Сэтгэгдэл бичих хэсэг 

Шинэ мэдээ

“Талх чихэр” ХК “Милл хаус”ХХК-ийн нэрийн барааны цэг Булган аймагт нээлтээ хийнэ6 сар 17. 10:16БАРИМТ: С.Амарсайханы төрсөн ах С.Ганбат Зайсан, Богд уул орчмын 214 айлын газрыг ДАНГААРАА ЭЗЭМШЖЭЭ6 сар 17. 10:14Хүүхдээ яаж “сайн хүн” болгох вэ6 сар 14. 13:01Мөрөн сумын 210 жилийн ой, Хангайн бүсийн даншиг ирэх сарын 27-29-нд болно6 сар 14. 12:56Могойн голоос хулгайгаар нүүрс тээвэрлэсэн эсэхийг шалгаж тогтооно6 сар 14. 12:54"Цонжин болдог"-оос илүү жуулчдыг татах Ногоон нуур6 сар 14. 11:59Монгол. Улсад шинэ үеийн барилгын салбар үүсч хөгжсөний түүхт 92 жилийн ой, "Барилгачдын өдөр 2018" өдөрлөг 9 сарын 7-нд 10:00 цагаас Барилгачдын талбайд болно2018, 9 сар 6. 8:59Худалдаа Хөгжлийн Банкны шөнийн цагаар хийсэн, хууль бус ажиллагаанд 70 орчим залуус, бөхчүүд оролцжээ2018, 7 сар 25. 19:09Монгол Улсын зээлжих зэрэглэлийг дээшлүүлэв2018, 7 сар 17. 19:37В.Путин, Д.Трамп нар ямар тохиролцоонд хүрэв?2018, 7 сар 17. 19:32Монголын кино урлаг хүрээгээ тэлсээр...2018, 7 сар 17. 19:27Оюу толгой ХХК-ийн уурхайчдад илгээх МЭНДЧИЛГЭЭ2018, 7 сар 9. 15:35“Нийтийн тээврээр соёлтой үйлчлүүлцгээе” сошиал аяны ялагчид тодорч, шагналаа гардаж авлаа2018, 7 сар 5. 13:31Шанхайн олон улсын кино наадамд Монгол кино шилдгийн шилдгээр шалгарчээ2018, 7 сар 5. 12:53Үндэсний их баяр наадмын хөтөлбөр2018, 7 сар 2. 18:05Ардын урлагийн их наадмын шилдгүүд тодорлоо2018, 7 сар 2. 18:02МҮИС-ийн 20 жилийн ойн ОНЦГОЙ БЭЛЭГ задарлаа2018, 7 сар 2. 17:23-ШИНЭ НАЧИН ГЭХЭЭСЭЭ ИЛҮҮ НААДМЫН ТҮРҮҮ, ҮЗҮҮР ЯРЬДАГ “УВС НУУР” ГАЛЫНХАН-2018, 7 сар 2. 8:57Хориглосон бүсэд байсан малыг нүүлгэн шилжүүллээ2018, 6 сар 29. 11:28АСБЕСТ АГУУЛСАН БҮТЭЭГДЭХҮҮН ХЭРЭГЛЭСНЭЭР ХОРТ ХАВДАРТАЙ БОЛОХ ЭРСДЭЛТЭЙ2018, 6 сар 29. 11:13

Бүх эрх хуулиар хамгаалагдсан © CaakNews.MN 2015 - 2019.