КИНО УРЛАГИЙН ДЭЭД ШАГНАЛ ОЛГОХ “IMAX AWARDS” ЁСЛОЛЫН АРГА ХЭМЖЭЭ БОЛНО

3-р сарын 10 - 10 цаг 23 минут

“Монголын кино урлагийг хөгжүүлэх сан”, “Өргөө” кинотеатртай хамтран Кино урлагийн дээд шагнал олгох “IMAX AWARDS” ёслолын арга хэмжээ зохион байгуулах гэж байна. Энэ хүрээнд кино урлагийн дээд шагнал олгох “IMAX AWARDS” ёслолын арга хэмжээний шагналын цом зохион бүтээх уралдаан болж, тэргүүлсэн бүтээлийн эзнийг өнөөдөр тодруулан, нэг сая төгрөгийн шагнал гардуулан өглөө.

Монголын уран бүтээлчдийн бүтээлийг дэлхийд таниулах, шилдэг кино бүтээхэд дэм болох, оюуны боловсролд нөлөөлөх хүртээмжийг нэмэгдүүлэх зорилго бүхий “IMAX AWARDS” ёслолын арга хэмжээний шагналын цомын загвар шалгаруулах уралдааныг өнгөрсөн нэгдүгээр сараас эхлэн явуулсан. Нэг сая төгрөгийн шагналын сантай тус уралдаанд 10 гаруй уран бүтээлч оюун ухаан, ур чадвараа шингээсэн шилдэг бүтээлүүдээ илгээжээ. Уралдааны тэргүүн байранд “Эрдэнэт үйлдвэр” ХХК-ийн Инженер зураг төслийн зохион бүтээгч инженер А.Соджаргалын бүтээл шалгарлаа. Шагналыг “Нью тур сафарис” ХХК-ийн Маркетингийн албаны дарга Х.Оюунсүрэн гардуулав.

Х.Оюунсүрэн:

-IMAX AWARDS ИРЭХ ДӨРӨВДҮГЭЭР САРЫН СҮҮЛЭЭР БОЛНО-

“2016 оны шилдэг кино шалгаруулах IMAX AWARDS-ыг ирэх дөрөвдүгээр сарын сүүлээр зохион байгуулахаар болоод байна. Энэ арга хэмжээнд зориулан бид нэгдүгээр сарын 1-ний өдрөөс хоёрдугаар сарын 1-ний өдрийг дуустал цомын загвар зохиох уралдаан зохион байгуулсан. Нийт арав гаруй бүтээл ирснээс нэгийг шалгаруулсан.

IMAX AWARDS-ын талаар товч мэдээлэл өгөхөд саяхан болж өнгөрсөн Оскарын шагнал гардуулах ёслолыг Монголынхоо түвшинд өндөр хэмжээнд зохион байгуулах гэж байна. 2016 онд Монгол улсад нийт 47 кино албан ёсоор нээлтээ хийсэн байна. Эдгээр шилдгүүдээс 25 киног шалгаруулан авч, түүнээс шилдэг 16-г шалгаруулахаар тов гарсан. Санал асуулгыг www.urgoo.mn гэсэн сайтаар ороход гарч ирэх пэйжээр дамжуулан 21 хоногийн турш авна. Олон нийтийн санал асуулга тун чухал байдаг тул үзэгч та бүхэн идэвхитэй оролцоорой.

Номинацийн тухайд Оскарын шагналын адил байхаар тооцсон бөгөөд Монгол улсад зохиогдож байгаа тул “Залуу үед үлгэр дууриал үзүүлсэн бүтээл”, “Монгол өв соёлоо дээдэлсэн бүтээл туурвисан хамт олон” гэсэн хоёр шинэ номинациыг нэмж өгсөн. Энэ хүрээнд бид IMAX AWARDS-ын цомын загвар зохион бүтээх уралдаан зохиосон. Ингэхдээ монгол хэв шинж, өв соёлыг багтаасан байх гэсэн үндсэн шалгуурыг тавьсан юм” гэлээ.

“Эрдэнэт үйлдвэр”-ийн Инженерийн зураг төслийн төвийн зохион бүтээгч, инженер А.Соджаргал:

-НЭГ ТАЛААР ХҮНИЙ ДҮРС МЭТ ХАРАГДАХ Ч НӨГӨӨТЭЙГҮҮР, КИНОНЫ ТАВАН АМИН СҮНСИЙГ БЭЛГЭДЭЖ БАЙНА-

“Уралдааны удирдамжтай танилцсаны үндсэн дээр судалгаа хийж эхэлсэн. Огт мэдэхгүйгээр сайхан бүтээл төрнө гэж үгүй. Тиймээс кино урлагийн талаар сонирхож судлаж, Оскарын наадам үзэж, цомынх нь бэлгэдэл, утга агуулга зэргийг түлхүү харсан. Үүний дараагаар Монгол гэдэг санааг хэрхэн гаргах вэ гэсэн хоёр санаанд түлхүү төвлөрсөн юм.

Дүрс бичлэгийн дамартай хальс надад маш сонирхолтой санагдаж байсан тул Монгол тулга болгон ашигласан. Ер нь цомын порпорц, хэлбэр, донж, харьцаа зэргийг Оскарын цомын үндсэн харьцаатай нилээд тулгаж, гарган ирсэн.

Энэ цом маань тойргийг тав хуваасан шийдэлтэй байгаа. Дээшээ харагдаж буй хэсэг нь дэвжиж буй багана нь нэг талаар хүний дүрс мэт харагдах ч нөгөөтэйгүүр, киноны таван амин сүнсийг бэлгэдэж байна. Үүнд зохиолч, найруулагч, продюсер, жүжигчид, техникчид орно” гэлээ.

“IMAX AWARDS” ёслолын арга хэмжээнд 2016 онд үзэгчдийн хүртээл болсон 46 кино уран бүтээлийг URGOO.MN сайтаар дамжуулан үзэгчдийн санал асуулгаар дараах номинациар шалгаруулна.

1.Шилдэг нүүр будалт

2.Шилдэг дууны найруулагч

3.Шилдэг дуу

4.Шилдэг хөгжим

5.Шилдэг туслах эмэгтэй дүр

6.Шилдэг туслах эрэгтэй дүр

7.Шилдэг зураглаач

8.Шилдэг зураач

9.Шилдэг зохиол

10.Шилдэг найруулагч

11.Шилдэг эмэгтэй гол дүр

12.Шилдэг эрэгтэй гол дүр

13. Шилдэг кино

14.Шилдэг дизайн

15.Залуу үед үлгэр дууриал үзүүлсэн бүтээл

16. Монгол өв соёлоо дээдэлсэн бүтээл туурвисан хамт олон

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд huvsgul.MN хариуцлага хүлээхгүй.

Сэтгэгдэл бичих хэсэг 

Шинэ мэдээ

“Талх чихэр” ХК “Милл хаус”ХХК-ийн нэрийн барааны цэг Булган аймагт нээлтээ хийнэ6 сар 17. 10:16БАРИМТ: С.Амарсайханы төрсөн ах С.Ганбат Зайсан, Богд уул орчмын 214 айлын газрыг ДАНГААРАА ЭЗЭМШЖЭЭ6 сар 17. 10:14Хүүхдээ яаж “сайн хүн” болгох вэ6 сар 14. 13:01Мөрөн сумын 210 жилийн ой, Хангайн бүсийн даншиг ирэх сарын 27-29-нд болно6 сар 14. 12:56Могойн голоос хулгайгаар нүүрс тээвэрлэсэн эсэхийг шалгаж тогтооно6 сар 14. 12:54"Цонжин болдог"-оос илүү жуулчдыг татах Ногоон нуур6 сар 14. 11:59Монгол. Улсад шинэ үеийн барилгын салбар үүсч хөгжсөний түүхт 92 жилийн ой, "Барилгачдын өдөр 2018" өдөрлөг 9 сарын 7-нд 10:00 цагаас Барилгачдын талбайд болно2018, 9 сар 6. 8:59Худалдаа Хөгжлийн Банкны шөнийн цагаар хийсэн, хууль бус ажиллагаанд 70 орчим залуус, бөхчүүд оролцжээ2018, 7 сар 25. 19:09Монгол Улсын зээлжих зэрэглэлийг дээшлүүлэв2018, 7 сар 17. 19:37В.Путин, Д.Трамп нар ямар тохиролцоонд хүрэв?2018, 7 сар 17. 19:32Монголын кино урлаг хүрээгээ тэлсээр...2018, 7 сар 17. 19:27Оюу толгой ХХК-ийн уурхайчдад илгээх МЭНДЧИЛГЭЭ2018, 7 сар 9. 15:35“Нийтийн тээврээр соёлтой үйлчлүүлцгээе” сошиал аяны ялагчид тодорч, шагналаа гардаж авлаа2018, 7 сар 5. 13:31Шанхайн олон улсын кино наадамд Монгол кино шилдгийн шилдгээр шалгарчээ2018, 7 сар 5. 12:53Үндэсний их баяр наадмын хөтөлбөр2018, 7 сар 2. 18:05Ардын урлагийн их наадмын шилдгүүд тодорлоо2018, 7 сар 2. 18:02МҮИС-ийн 20 жилийн ойн ОНЦГОЙ БЭЛЭГ задарлаа2018, 7 сар 2. 17:23-ШИНЭ НАЧИН ГЭХЭЭСЭЭ ИЛҮҮ НААДМЫН ТҮРҮҮ, ҮЗҮҮР ЯРЬДАГ “УВС НУУР” ГАЛЫНХАН-2018, 7 сар 2. 8:57Хориглосон бүсэд байсан малыг нүүлгэн шилжүүллээ2018, 6 сар 29. 11:28АСБЕСТ АГУУЛСАН БҮТЭЭГДЭХҮҮН ХЭРЭГЛЭСНЭЭР ХОРТ ХАВДАРТАЙ БОЛОХ ЭРСДЭЛТЭЙ2018, 6 сар 29. 11:13

Бүх эрх хуулиар хамгаалагдсан © CaakNews.MN 2015 - 2019.