ЗАСГИЙН ГАЗАР АМСХИЙЖ, УИХ-ЫН ГИШҮҮД ХОЙШ СУУВ

3-р сарын 10 - 8 цаг 53 минут
МАН-ынхан 2012 онд МАН олонх байхдаа 580 сая ам.долларын евро бондын зээлийг авсан байдаг. Гэхдээ 2012 оны УИХ-ын сонгуулийн дараа С.Батболдын Засгийн газрын бүрэн эрхийн хугацаа дуусч, Н.Алтанхуягийн Засгийн газар шинээр байгуулагдахад 580 сая ам.доллараас нэг ч цент дутаалгүйгээр хүлээлгэж өгсөн гэх тайлбарыг өгч байгаа. Харин дөрвөн жилийн дараа нэг ч центийн зарцуулалтын эрх мэдэл эдэлж чадаагүй 580 сая ам.долларын Евро бондын өрийг МАН-ын “Мэргэжил”-ийн Засгийн газар төлж барагдуулах үүрэг хүлээв. Ж.Эрдэнэбат Засгийн газраа байгуулснаас хойш анхаарал хандуулж ирсэн зүйл ч гэхэд болно. Учир нь Монгол Улс  энэ сард 580 сая ам.доллар евро бондын өр төлөх ёстой. Эх сурвалжууд энэ өрийн  ОУВС-ын “Өргөтгөсөн хөтөлбөр”-ийн хүрээнд орж ирэх мөнгөнөөс төлнө хэмээн мэдэгдэж байсан  юм. Харин Сангийн сайд Евро бондын 580 сая ам.долларыг төлөх зорилгоор бонд босгосон тухай мэдээллийн хэвлэлүүдэд өглөө. Энэ бол сар шинээс өмнө болсон үйл явц юм.  Тодруулбал  Хөгжлийн банкны 580 сая ам. долларын евро бондыг Засгийн газраас “Хуралдай”  бондоор солих саналыг евро бонд эзэмшигчдэд тавьжээ. Харин Евро бонд эзэмшигчид өнгөрсөн долоо хоногт шийдвэрээ гаргаж, Засгийн газраас тавьсан саналыг хүлээж авч, нийт хөрөнгө оруулагчдын 82,07 хувь нь зөвшөөрснөөр Хөгжлийн банкны эзэмшиж байсан Евро бондыг Монгол Улсын Засгийн газрын “Хуралдай” бондоор солих шийдвэр гаргаснаа Монгол Улсын Засгийн газарт уламжилжээ. “Хуралдай” бонд нь 8,75 хувийн хүүтэй, долоон жилийн хугацаатай бөгөөд нийт 476 сая ам.доллар болж байгаа юм.

Ийнхүү Засгийн газар дампуурал зарлахаас өмнөхөн асуудлыг шийдвэрлэв. МАН-ын бүлгийн гишүүдийн зүгээс “Ерөнхий сайд зээлээ хугацаанд нь төлнө. Ингэхдээ Монгол Улсынхаа тусгаар тогтнолд эрсдэл учруулахгүйгээр асуудлыг шийдэхээр ажиллаж байгаа тухай мэдээлэл бидэнд өгсөн. Бүлэг дээр энэ зээлийг  урт хугацааны маш бага хүүтэй хөнгөлөлттэй зээл авч төлөх эсвэл зээлийнхээ хугацааг сунгуулах замаар асуудлыг шийдэх санал санаачлага ч гарсан” гэсэн тухай тайлбарыг өгч байсан юм.

Харин одоо Монгол Улс ОУВС-ын хөтөлбөрт хамрагдах шаардлага байгаа эсэх асуудал дээр гишүүд өөр өөрийн байр сууриа илэрхийлж байна.  Өнгөрсөн мягмар гарагт МАН-ынхан хуралдаж, УИХ-ын чуулганыг ээлжит бусаар хуралдуулах шаардлагагүй гэсэн тохироонд хүрсэн гэх албан бус мэдээлэл гараад байгаа. Харин Сангийн сайдын зүгээс “440 сая ам.долларыг Монголбанкинд авчирч валютын нөөц нэмэгдүүлэхэд авна. Үлдэж байгаа гурав орчим тэрбум ам.долларыг 2017-2019 оны төсвийн алдагдлыг санхүүжүүлэхэд зарцуулна” хэмээх төлөвлөгөөгөө өчигдөр олон нийтэд хэвлэлээр дамжуулан ил болгосон. Гэвч парламент долоон төрлийн татвар нэмэх асуудлыг хэлэлцэх эсэх нь тодорхойгүй байна.
П.ГОО
Оллоо.мн
АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд huvsgul.MN хариуцлага хүлээхгүй.

Сэтгэгдэл бичих хэсэг 

Шинэ мэдээ

“Талх чихэр” ХК “Милл хаус”ХХК-ийн нэрийн барааны цэг Булган аймагт нээлтээ хийнэ6 сар 17. 10:16БАРИМТ: С.Амарсайханы төрсөн ах С.Ганбат Зайсан, Богд уул орчмын 214 айлын газрыг ДАНГААРАА ЭЗЭМШЖЭЭ6 сар 17. 10:14Хүүхдээ яаж “сайн хүн” болгох вэ6 сар 14. 13:01Мөрөн сумын 210 жилийн ой, Хангайн бүсийн даншиг ирэх сарын 27-29-нд болно6 сар 14. 12:56Могойн голоос хулгайгаар нүүрс тээвэрлэсэн эсэхийг шалгаж тогтооно6 сар 14. 12:54"Цонжин болдог"-оос илүү жуулчдыг татах Ногоон нуур6 сар 14. 11:59Монгол. Улсад шинэ үеийн барилгын салбар үүсч хөгжсөний түүхт 92 жилийн ой, "Барилгачдын өдөр 2018" өдөрлөг 9 сарын 7-нд 10:00 цагаас Барилгачдын талбайд болно2018, 9 сар 6. 8:59Худалдаа Хөгжлийн Банкны шөнийн цагаар хийсэн, хууль бус ажиллагаанд 70 орчим залуус, бөхчүүд оролцжээ2018, 7 сар 25. 19:09Монгол Улсын зээлжих зэрэглэлийг дээшлүүлэв2018, 7 сар 17. 19:37В.Путин, Д.Трамп нар ямар тохиролцоонд хүрэв?2018, 7 сар 17. 19:32Монголын кино урлаг хүрээгээ тэлсээр...2018, 7 сар 17. 19:27Оюу толгой ХХК-ийн уурхайчдад илгээх МЭНДЧИЛГЭЭ2018, 7 сар 9. 15:35“Нийтийн тээврээр соёлтой үйлчлүүлцгээе” сошиал аяны ялагчид тодорч, шагналаа гардаж авлаа2018, 7 сар 5. 13:31Шанхайн олон улсын кино наадамд Монгол кино шилдгийн шилдгээр шалгарчээ2018, 7 сар 5. 12:53Үндэсний их баяр наадмын хөтөлбөр2018, 7 сар 2. 18:05Ардын урлагийн их наадмын шилдгүүд тодорлоо2018, 7 сар 2. 18:02МҮИС-ийн 20 жилийн ойн ОНЦГОЙ БЭЛЭГ задарлаа2018, 7 сар 2. 17:23-ШИНЭ НАЧИН ГЭХЭЭСЭЭ ИЛҮҮ НААДМЫН ТҮРҮҮ, ҮЗҮҮР ЯРЬДАГ “УВС НУУР” ГАЛЫНХАН-2018, 7 сар 2. 8:57Хориглосон бүсэд байсан малыг нүүлгэн шилжүүллээ2018, 6 сар 29. 11:28АСБЕСТ АГУУЛСАН БҮТЭЭГДЭХҮҮН ХЭРЭГЛЭСНЭЭР ХОРТ ХАВДАРТАЙ БОЛОХ ЭРСДЭЛТЭЙ2018, 6 сар 29. 11:13

Бүх эрх хуулиар хамгаалагдсан © CaakNews.MN 2015 - 2019.