Дэлхийн хошой аварга Соронзонболдын Батцэцэг

9-р сарын 11 - 21 цаг 59 минут

 

Монгол Улсын чөлөөт бөхийн гавьяат тамирчин, эмэгтэй чөлөөт бөхийн анхны Дэлхийн аварга, анхны хошой аварга, Олимпийн наадмын хүрэл медальт Соронзонболдын Батцэцэг 1990 оны  гуравдугаар сарын 11-нд Архангай аймгийн Хашаат суманд мэндэлжээ.

Тэрбээр 2005 оноос сумынхаа дунд сургуулийн биеийн тамирын багш Н.Дондовын удирдлага дор чөлөөт бөхийн спортоор хичээллэж эхэлсэн байна. Ингээд дунд сургуулиа төгсөн, МУИС-ийн Япон хэлний хуваарь авч 2008 онд Улаанбаатар хотод иржээ. Энэ үеэс эхлэн “Замчин” спорт хороонд З.Дүвчин зааны шавь болсон байна. Тэр үеэс хойш 2012 оноос “Хилчин” спорт хороонд харьяалагдах болсон бөгөөд 2008 оноос З.Дүвчин, гавьяат дасгалжуулагч Т.Сүхбаатар нарын удирдлага дор үндэсний шигшээ багт багтсан юм.

С.Батцэцэгийн анхны амжилтууд нь 2005 оны Өсвөрийн УАШТ-нд мөнгөн медаль, 2007 оны Өсвөрийн АШТ-нд мөнгөн медаль, 2008 оны залуучуудын УАШТ-нд алтан медаль, 2008 оны залуучуудын АШТ-нд мөнгөн медаль юм байна.

Ирээдүйн аварга маань 2009 оноос насанд хүрэгчдийн УАШТ-нд оролцож эхэлсэн бөгөөд УАШТ-д 2009, 2010 онд дарааллан түрүүлж, 2011 онд мөнгөн медаль хүртсэн. 2010 оны ААШТ-нд 59 кг-д барилдаж, мөнгөн медаль хүртсэн. Анх 19 насандаа 2009 оны ДАШТ-д оролцож байжээ. Харин дараа жил нь 2010 оны Москва хотноо болсон чөлөөт бөхийн ДАШТ-нд 59 кг-н жинд барилдаж, З.Ойдов, Х.Баянмөнх нараас хойшхи 35 жилийн дараа эх орондоо алтан медалийг авчиран дэлхийд нэрээ дансалсан юм. Мөн 2013 оны Будапешт хотноо болсон ДАШТ-д 63 кг-н жинд алдарт бөх, Японы Кайро Ичотой финалдаж, мөнгөн медаль хүртсэн.

Харин 2012 онд Лондонгийн Олимпийн наадамд оролцож Монголын эмэгтэй бөхчүүдээс анхны Олимпийн медалийг эх орондоо авчирсан. Тэрээр 2012 оны Олимпийн наадамд Чөлөөт бөхийн холбооны шийдвэр, Монголын ард түмний итгэл найдварыг алдалгүй, Олимпийн медаль хүртсэн юм.  2013 оны Казаны Зуны Универсиадаас алт, 2015 оны Иван Ярыгины нэрэмжит “Алтан Гранпри” тэмцээний алтан медаль хүртээд байна.

Өнөөдөр тэрбээр "Лас-Вегас-2015" ДАШТ-нээс 63кг-ын жинд АВАРГЫН ТӨЛӨӨ барилдаж дэлхийн хошой аварга боллоо. Монгол Улсын гавьяат тамирчин Соронзонболдын Батцэцэг алтан медалийн төлөө Японы тамирчин залуучуудын дэлхийн хошой аварга 20 настай Рисоко Кавайг илүүрхэн ялсан юм. Япон тамирчны хувьд анхны насанд хүрэгчдийн дэлхийн аварга шалгаруулах тэмцээн бол манай тамирчин гуравдахь дэлхийн аварга шалгаруулах тэмцээний Алтан медалийг олимпийн эрхтэйгээ эх нутагтаа авч ирлээ.  Бас нэг бэлгэшээх зүйл нь С.Батцэцэг 2010 оны 9 дүгээр сар 10-нд дэлхийн аварга болж байсан бол таван жилийн дараа буюу 9 сарын 10 нд "жич эндхийн он сар өдрөөр" дахин аваргын төлөө гарч ирээд 36 секундэд илүүрхэн цэвэр яллаа.



Ийнхүү тэрбээр чөлөөт барилдааны түүхэнд ДАШТ-нд гурвантаа аваргын төлөө барилдаж буй Монголын 2 дахь бөх,  эмэгтэйчүүдээс анхных нь болсон юм. Одоогоос 40 жилийн тэртээ 1975 онд ЗХУ-ын Минск хотноо болсон ДАШТ-д МУГТ, Хөдөлмөрийн баатар Хорлоогийн Баянмөнх аварга ДАШТ-нд гуравдахиа финалдаж, "АВАРГЫН АЛДАР"-т хүрч байв. Мөн энэ тэмцээнээс МУГТ, Хөдөлмөрийн баатар Зэвэгийн Ойдов Дэлхийн хошой аварга болж байсан түүхтэй...



Тэгвэл 40 жилийн дараа ДЭЛХИЙН ХОШОЙ АВАРГА төрөн гарсан нь гайхамшигтай түүхийн гэрч нь Монгол түмэн боллоо. Дэлхийн хошой аварга З.Ойдовын дүү З.Дүвчин багшийн унаган шавь нь С.Батцэцэг байгаа нь бүр их билэгшээлтэй зүйл болж байна.

 

С.Батцэцэг 2008 онд Спортын Мастер, 2009 онд ОУХМ, 2010 онд МУ-ын Гавьяат тамирчин цол хүртсэн. С.Батцэцэг бол чөлөөт бөхийн спортоор Олимп болон ДАШТ-нээс медаль хүртсэн Ж.Мөнхбат, Д.Сэрээтэр, З.Ойдов, Х.Баянмөнх, Д.Оюунболд агсан нарын цөөхөн тамирчны нэг. Мөн тэрбээр Монголын шигшээ багийн ДАШТ-ээс авсан 50 дахь медалийн эзэн болсон бөгөөд 50 дахь медаль нь АЛТ байсан нь бахархалтай.

Түүний Риогийн олимпын Алдарын оргилд хүрэх зам гайхалтай байж, монгол түмнээ баярлуулах цаг удахгүй ирэхийн өлзийтэй ерөөлийг өргөн дэвшүүлье.

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд huvsgul.MN хариуцлага хүлээхгүй.

( 15 сэтгэгдэл )Сэтгэгдэл бичих хэсэг 

Шинэ мэдээ

“Талх чихэр” ХК “Милл хаус”ХХК-ийн нэрийн барааны цэг Булган аймагт нээлтээ хийнэ6 сар 17. 10:16БАРИМТ: С.Амарсайханы төрсөн ах С.Ганбат Зайсан, Богд уул орчмын 214 айлын газрыг ДАНГААРАА ЭЗЭМШЖЭЭ6 сар 17. 10:14Хүүхдээ яаж “сайн хүн” болгох вэ6 сар 14. 13:01Мөрөн сумын 210 жилийн ой, Хангайн бүсийн даншиг ирэх сарын 27-29-нд болно6 сар 14. 12:56Могойн голоос хулгайгаар нүүрс тээвэрлэсэн эсэхийг шалгаж тогтооно6 сар 14. 12:54"Цонжин болдог"-оос илүү жуулчдыг татах Ногоон нуур6 сар 14. 11:59Монгол. Улсад шинэ үеийн барилгын салбар үүсч хөгжсөний түүхт 92 жилийн ой, "Барилгачдын өдөр 2018" өдөрлөг 9 сарын 7-нд 10:00 цагаас Барилгачдын талбайд болно2018, 9 сар 6. 8:59Худалдаа Хөгжлийн Банкны шөнийн цагаар хийсэн, хууль бус ажиллагаанд 70 орчим залуус, бөхчүүд оролцжээ2018, 7 сар 25. 19:09Монгол Улсын зээлжих зэрэглэлийг дээшлүүлэв2018, 7 сар 17. 19:37В.Путин, Д.Трамп нар ямар тохиролцоонд хүрэв?2018, 7 сар 17. 19:32Монголын кино урлаг хүрээгээ тэлсээр...2018, 7 сар 17. 19:27Оюу толгой ХХК-ийн уурхайчдад илгээх МЭНДЧИЛГЭЭ2018, 7 сар 9. 15:35“Нийтийн тээврээр соёлтой үйлчлүүлцгээе” сошиал аяны ялагчид тодорч, шагналаа гардаж авлаа2018, 7 сар 5. 13:31Шанхайн олон улсын кино наадамд Монгол кино шилдгийн шилдгээр шалгарчээ2018, 7 сар 5. 12:53Үндэсний их баяр наадмын хөтөлбөр2018, 7 сар 2. 18:05Ардын урлагийн их наадмын шилдгүүд тодорлоо2018, 7 сар 2. 18:02МҮИС-ийн 20 жилийн ойн ОНЦГОЙ БЭЛЭГ задарлаа2018, 7 сар 2. 17:23-ШИНЭ НАЧИН ГЭХЭЭСЭЭ ИЛҮҮ НААДМЫН ТҮРҮҮ, ҮЗҮҮР ЯРЬДАГ “УВС НУУР” ГАЛЫНХАН-2018, 7 сар 2. 8:57Хориглосон бүсэд байсан малыг нүүлгэн шилжүүллээ2018, 6 сар 29. 11:28АСБЕСТ АГУУЛСАН БҮТЭЭГДЭХҮҮН ХЭРЭГЛЭСНЭЭР ХОРТ ХАВДАРТАЙ БОЛОХ ЭРСДЭЛТЭЙ2018, 6 сар 29. 11:13

Бүх эрх хуулиар хамгаалагдсан © CaakNews.MN 2015 - 2019.