МАН-ын бүлэг хоригийг 100 хувь дэмжлээ

9-р сарын 7 - 13 цаг 01 минут

УИХ дахь МАН-ын бүлэг хуралдаж, Өршөөлийн хуульд тавьсан Ерөнхийлөгчийн хоригийг 100 хувь дэмжлээ гэж  УИХ дахь МАН-ын бүлгийн дарга С.Бямбацогт, дэд дарга Д.Хаянхярваа нар мэдээллээ. МАН-ын бүлэг авлигын хэрэг, албан тушаалтнуудыг өршөөж болохгүй гэсэн байр сууриа удаа дараа илэрхийлж ирсэн. Өнгөрсөн долоо хоногт МАН-ын Удирдах зөвлөлөөс Өршөөлийн хуульд тавьсан Ерөнхийлөгчийн хоригийг дэмжих нь зүйтэй гэсэн шийдвэр гаргасан.

Энэ талаар бүлгийн дарга С.Бямбацогт хэлэхдээ "Өршөөлийн хуульд тавьсан Ерөнхийлөгчийн хоригийг хүлээж авна. Авлигын хэрэг, албан тушаалтнуудыг өршөөлд хамааруулахгүй байх талаар бид нэгдсэн байр суурьтай оролцоно. Харин анх удаа гэмт хэрэг үйлдсэн, эмэгтэйчүүд, хүүхдүүд, ахмад настнууд гэх мэт өршөөлд зайлшгүй хамрагдах ёстой хүмүүсийг хурдан өршөөлд хамруулах зарчмын байр суурьтай байна. Тиймээс Өршөөлийн хуульд тавьсан хоригийг хүлээж авсантай холбогдуулан оруулах нэмэлт, өөрчлөлтийг ээлжит бус чуулганы хугацаанд яаралтай хэлэлцэж батлах нь зүйтэй. Намрын  чуулган гэж хойшлуулах шаардлагагүй" гэлээ.

МАН-ын бүлэг Засгийн газрын зарим гишүүдийг томилох асуудлын тухайд "давхар дээл"-тэй буюу УИХ-ын гишүүн Засгийн газрын гишүүний албыг давхар хаших нь буруу гэсэн өмнөх байр сууриа баримталж байна. МАН-ын хувьд 2013 оноос ийм байр суурьтай байгаагаа илэрхийлж ирсэн. Засгийн газарт хамтарч байх үедээ ч энэ зарчмаа баримталсан. МАН-аас шийдлийн Засгийн газарт томилогдсон зургаан сайдын хоёр нь УИХ-ын гишүүн байсан бөгөөд үндсэн чиг үүргийн яам болох Сангийн яам, БОНХАЖЯ-ыг хариуцаж байсан. Бусад сайд нь гаднаас томилогдсон гэж бүлгийн дарга С.Бямбацогт онцлов.

Мөн ээлжит бус чуулганы товыг УИХ-ын дэд дарга Р.Гончигдорж зарлаж, нээсэн нь хууль зөрчсөн үү, үгүй юу гэсэн асуудал үүсч байгааг ч тэрээр хэлсэн үгэндээ дурдлаа. Учир нь Үндсэн хуульд зааснаар УИХ-ын гишүүдийн гуравны нэгээс дээшхийн шаардсанаар, Ерөнхийлөгч, УИХ-ын даргын санаачилгаар ээлжит бус чуулганыг зарлан хуралдуулдаг. УИХ-ын тухай хуулийн 16.4-д заасны дагуу зөвхөн УИХ-ын дарга л ээлжит бус чуулганы хэлэлцэх асуудал, хуралдах өдөр, цаг, үргэлжлэх хугацааг товлон захирамж гаргах эрхтэй. Гэтэл УИХ-ын дэд дарга Р.Гончигдорж захирамж гаргаж, ээлжит бус чуулганыг зарлалаа. УИХ гурван дэд даргатай. Ээлжит бус чуулган энэ долоо хоногт дуусвал нөгөө дэд дарга нь дахиад ээлжит бус чуулган зарлаж тодорхой асуудал хэлэлцэнэ гэсэн үг үү. Цаашдаа ийм жишиг тогтох вий, үүнд анхаарах ёстой гэж МАН-ын бүлгийн дарга С.Бямбацогт байр сууриа илэрхийлэв.

МАН-ын бүлгийн дэд дарга Д.Хаянхярваа "Өршөөлийн хуулийг сүүлийн үед улс төрийн өнцгөөс тайлбарлах гэж оролдож байна. Ардчилсан нам, эсвэл Ардын намынханд зориулж байна гэдэг байдлаар яриад байх шиг байна. Аливаа Өршөөлийн хууль ямар нэг улс төрийн хүчин, ямар нэгэн тодорхой хүнд зориулагдаж гардаггүйг анхаарах ёстой" гэв.  

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд huvsgul.MN хариуцлага хүлээхгүй.

( 13 сэтгэгдэл )Сэтгэгдэл бичих хэсэг 

Шинэ мэдээ

“Талх чихэр” ХК “Милл хаус”ХХК-ийн нэрийн барааны цэг Булган аймагт нээлтээ хийнэ6 сар 17. 10:16БАРИМТ: С.Амарсайханы төрсөн ах С.Ганбат Зайсан, Богд уул орчмын 214 айлын газрыг ДАНГААРАА ЭЗЭМШЖЭЭ6 сар 17. 10:14Хүүхдээ яаж “сайн хүн” болгох вэ6 сар 14. 13:01Мөрөн сумын 210 жилийн ой, Хангайн бүсийн даншиг ирэх сарын 27-29-нд болно6 сар 14. 12:56Могойн голоос хулгайгаар нүүрс тээвэрлэсэн эсэхийг шалгаж тогтооно6 сар 14. 12:54"Цонжин болдог"-оос илүү жуулчдыг татах Ногоон нуур6 сар 14. 11:59Монгол. Улсад шинэ үеийн барилгын салбар үүсч хөгжсөний түүхт 92 жилийн ой, "Барилгачдын өдөр 2018" өдөрлөг 9 сарын 7-нд 10:00 цагаас Барилгачдын талбайд болно2018, 9 сар 6. 8:59Худалдаа Хөгжлийн Банкны шөнийн цагаар хийсэн, хууль бус ажиллагаанд 70 орчим залуус, бөхчүүд оролцжээ2018, 7 сар 25. 19:09Монгол Улсын зээлжих зэрэглэлийг дээшлүүлэв2018, 7 сар 17. 19:37В.Путин, Д.Трамп нар ямар тохиролцоонд хүрэв?2018, 7 сар 17. 19:32Монголын кино урлаг хүрээгээ тэлсээр...2018, 7 сар 17. 19:27Оюу толгой ХХК-ийн уурхайчдад илгээх МЭНДЧИЛГЭЭ2018, 7 сар 9. 15:35“Нийтийн тээврээр соёлтой үйлчлүүлцгээе” сошиал аяны ялагчид тодорч, шагналаа гардаж авлаа2018, 7 сар 5. 13:31Шанхайн олон улсын кино наадамд Монгол кино шилдгийн шилдгээр шалгарчээ2018, 7 сар 5. 12:53Үндэсний их баяр наадмын хөтөлбөр2018, 7 сар 2. 18:05Ардын урлагийн их наадмын шилдгүүд тодорлоо2018, 7 сар 2. 18:02МҮИС-ийн 20 жилийн ойн ОНЦГОЙ БЭЛЭГ задарлаа2018, 7 сар 2. 17:23-ШИНЭ НАЧИН ГЭХЭЭСЭЭ ИЛҮҮ НААДМЫН ТҮРҮҮ, ҮЗҮҮР ЯРЬДАГ “УВС НУУР” ГАЛЫНХАН-2018, 7 сар 2. 8:57Хориглосон бүсэд байсан малыг нүүлгэн шилжүүллээ2018, 6 сар 29. 11:28АСБЕСТ АГУУЛСАН БҮТЭЭГДЭХҮҮН ХЭРЭГЛЭСНЭЭР ХОРТ ХАВДАРТАЙ БОЛОХ ЭРСДЭЛТЭЙ2018, 6 сар 29. 11:13

Бүх эрх хуулиар хамгаалагдсан © CaakNews.MN 2015 - 2019.