Эхнэртэй эрчүүдийг таних аргууд

9-р сарын 6 - 13 цаг 52 минут

Таалагдсан залуутайгаа танилцаад уулзаж эхэлтэл эхнэртэй болохыг нь мэдэх тохиолдол цөөнгүй. Дөнгөж уулзаж эхэлж байсан бол ч яахав. Харьцаа нилээд гүнзгийрээд түүндээ бүр дурлаж орхисон бол яахав? Амьдралынхаа ханийг сонгож амжаагүй бүсгүйчүүл иймэрхүү байдалд орж зүрхээ шархлуулахгүйн тулд чухам яах хэрэгтэй вэ? Өөрийгөө эхнэргүй, ганц бие хэмээн сийхгүй залж байгаа хуурамч эрийг хэрхэн таних вэ? Эхнэртэй эрчүүдийн нийтлэг 9 шинжийг дор толилуулъя.

Нэг дэх шинж

Ийм эрчүүд интернэтээр танилцахдаа ихэвчлэн өөрийнхөө зургийг биш найзынхаа ч юмуу шал өөр нэгний зургийг тавьсан байдаг. Хэрвээ ингэсэн бол эхнэртэй байх магадлал 90% байна. Мэдээж уулзаж танилцсан хойноо таньдаг хүмүүсээсээ санаа зовоод ч гэх юмуу эсвэл ичээд ч гэх юмуу мянга түмэн шалтаг тоочих байх. Зарим нэг ховор тохиолдолд энэ нь үнэн байж болох ч ихэнх тохиолдолд мэдээж эхнэртэй юмуу хамтран амьдрагчтай байх магадлал өндөр байдаг.

Хоёрдахь шинж

Амралтын болон баяр ёслолын өдрүүдээр ийм эрчүүдийг олж уулзахад хэцүү байна. Хааяа, ганц нэг удаа л юу юм гэхээс. Шөнийг хамт өнгөрүүлэх ч бас л асуудалтай тулгарна, барагдахгүй их шалтаг шалтгаан гараад ирэх вий.

Гуравдахь шинж

Эхнэртэй эрийн бас нэг шинж бол мөнгөндөө харам, нарийн байх. Хэдийгээр энэ харьцангуй үзүүлэлт ч эхнэртэй эрийн ихэнх орлого гэр бүлдээ зарцуулагдаж, цанна нь маш өчүүхэн хэсэг үлддэг. Хэнийг ч хаана ямар ажил хийдэг, яаж хувцасладаг, ямар машин унадгаар нь орлогыг нь багцаалж болох тул олж байгаа орлоготой нь харьцуулахад хэмнээд байгаа нь мэдэгдвэл эхнэртэй эр байх магадлал өндөр.

Дөрөвдэх шинж

Янз бүрийн шалтаг шалтгаан тоочиж гэртээ урихгүй байх нь бас л эхнэртэй хүний шинж. Дээр нь эцэг эх, төрөл төрөгсөд, найз нөхөдтэйгөө танилцуулахгүй хойргошоод байвал бүр ч сэжигтэй гэсэн үг. Эхнэртэй эрийг таних хамгийн энгийн арга бол гэртээ урихыг гуйх. Ганц бие эр бол элдэв шалтаг тоочихгүй шууд л таныг гэртээ урина.

Тав дахь шинж

Үдэш оройн цагаар түүнтэй утсаар ярих бэрхшээлтэй байх, оройд ихэвчлэн өөрөө залгах /хааяахандаа/ нь мэдээж гэр бүлтэй хүний шинж.

Зургаадахь шинж

Хэдийгээр шууд бус ч гэсэн өөрийнх нь настай харьцуулахад хүүхдэрхэг ааш гаргаж байвал бас л эхнэртэй хүний нэг шинж. Эхнэртэй хирнээ тэрийгээ нууж байгаа эрчүүд хүүхдэрхэг ааштай байх нь элбэг байдаг.

Долоо дахь шинж

Ганц биеэр амьдардаг хүн гэхэд хэтэрхий арчилгаатай байх. Цэвэр цэмцгэр байдал, хувцасны сонголт, өнгөний зохицол зэрэг нь ихэвчлэн халамжтай эхнэртэй хүний шинж. Гэхдээ аль ганц бие хирнээ цэмцгэр ганган эрчүүдийг хэлж барах вэ. Тэгсэн ч гэсэн анхааралдаа авахад илүүдэхгүй.

Найм дахь шинж

Эхнэртэй эрчүүд ихэнхдээ ердийн эрчүүд шиг биш, өөрийнхөө хуурамч нуугдмал байдлаасаа болж агент 007-той адилхан байх нь элбэг. Ажлынх нь газрын утсыг мэдэх бөөн асуудал, гэрийнх нь утсыг мэдэх бүр хэцүү, хаана яг ямар ажил хийдгийг нь мэдэхэд ч хүндрэлтэй байдаг. Ажил дээр нь очих гэвэл бөөн юм болно. Олон хүнтэй хотын төвөөр тэврэлдээд зугаалах бол биелэгдэшгүй мөрөөдөл. Гэхдээ зарим нэг цайрчихсан эрчүүд ажлын газрынхаа хүмүүсээс нэг их санаа зовохгүй байх тохиолдол байдгийг үгүйсгэхгүй.

Ес дэх шинж

Хуримын бөгж. Мэдээж энэ хошигнол. Гэхдээ зарим эрчүүд хуримын бөгж зүүчихээд эхнэртэй гэдгээ онцгойлон нуухгүй хирнээ би тэрэнд хайргүй, салах гэж байгаа гэх мэтчилэн охид бүсгүйчүүдийн толгойг эргүүлж, эхнэрээ муулж, өрөвч зөөлөн сэтгэлийг нь далимдуулан дотносох нь бий. Тиймээс охид бүсгүйчүүд минь нэгэн биенийхээ тал болох, амьдралынхаа цорын ганц хань ижлээ сонгохдоо анхаарал болгоомжтой байгаарай. Та бүхэнд чин сэтгэлийн угаас аз жаргал хүсье.

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд huvsgul.MN хариуцлага хүлээхгүй.

( 5 сэтгэгдэл )Сэтгэгдэл бичих хэсэг 

Шинэ мэдээ

“Талх чихэр” ХК “Милл хаус”ХХК-ийн нэрийн барааны цэг Булган аймагт нээлтээ хийнэ6 сар 17. 10:16БАРИМТ: С.Амарсайханы төрсөн ах С.Ганбат Зайсан, Богд уул орчмын 214 айлын газрыг ДАНГААРАА ЭЗЭМШЖЭЭ6 сар 17. 10:14Хүүхдээ яаж “сайн хүн” болгох вэ6 сар 14. 13:01Мөрөн сумын 210 жилийн ой, Хангайн бүсийн даншиг ирэх сарын 27-29-нд болно6 сар 14. 12:56Могойн голоос хулгайгаар нүүрс тээвэрлэсэн эсэхийг шалгаж тогтооно6 сар 14. 12:54"Цонжин болдог"-оос илүү жуулчдыг татах Ногоон нуур6 сар 14. 11:59Монгол. Улсад шинэ үеийн барилгын салбар үүсч хөгжсөний түүхт 92 жилийн ой, "Барилгачдын өдөр 2018" өдөрлөг 9 сарын 7-нд 10:00 цагаас Барилгачдын талбайд болно2018, 9 сар 6. 8:59Худалдаа Хөгжлийн Банкны шөнийн цагаар хийсэн, хууль бус ажиллагаанд 70 орчим залуус, бөхчүүд оролцжээ2018, 7 сар 25. 19:09Монгол Улсын зээлжих зэрэглэлийг дээшлүүлэв2018, 7 сар 17. 19:37В.Путин, Д.Трамп нар ямар тохиролцоонд хүрэв?2018, 7 сар 17. 19:32Монголын кино урлаг хүрээгээ тэлсээр...2018, 7 сар 17. 19:27Оюу толгой ХХК-ийн уурхайчдад илгээх МЭНДЧИЛГЭЭ2018, 7 сар 9. 15:35“Нийтийн тээврээр соёлтой үйлчлүүлцгээе” сошиал аяны ялагчид тодорч, шагналаа гардаж авлаа2018, 7 сар 5. 13:31Шанхайн олон улсын кино наадамд Монгол кино шилдгийн шилдгээр шалгарчээ2018, 7 сар 5. 12:53Үндэсний их баяр наадмын хөтөлбөр2018, 7 сар 2. 18:05Ардын урлагийн их наадмын шилдгүүд тодорлоо2018, 7 сар 2. 18:02МҮИС-ийн 20 жилийн ойн ОНЦГОЙ БЭЛЭГ задарлаа2018, 7 сар 2. 17:23-ШИНЭ НАЧИН ГЭХЭЭСЭЭ ИЛҮҮ НААДМЫН ТҮРҮҮ, ҮЗҮҮР ЯРЬДАГ “УВС НУУР” ГАЛЫНХАН-2018, 7 сар 2. 8:57Хориглосон бүсэд байсан малыг нүүлгэн шилжүүллээ2018, 6 сар 29. 11:28АСБЕСТ АГУУЛСАН БҮТЭЭГДЭХҮҮН ХЭРЭГЛЭСНЭЭР ХОРТ ХАВДАРТАЙ БОЛОХ ЭРСДЭЛТЭЙ2018, 6 сар 29. 11:13

Бүх эрх хуулиар хамгаалагдсан © CaakNews.MN 2015 - 2019.